Ýkraınalyq sýretshi kartınalardy saǵyzdan jasaıdy
ASTANA. 17 aqpan. QazAqparat - Ýkraınalyq sýretshi tanymal adamdardyń portretterin erekshe materıaldardan jasaýda.
Donetskilik Anna Matveeva kartınalardy saǵyzdan jasaıdy. Onyń ústine, kartınaǵa kirispes buryn saǵyzdar jaqsy shaınalǵan bolýy kerek, buǵan onyń dostary kómektesetin kórinedi.
Mysalǵa, Apple-diń negizin salýshy Stıv Djobstyń beınesin jasaýǵa myńnan astam saǵyz qajet bolǵan. Al áıgili ánshi Elton Djonstyń júzine 250 saǵyz jumsaldy.
Qazirgi ýaqytta Anna jergilikti fýtbol klýbynyń jattyqtyrýshysynyń músinin jasaýda. Ázirge sýretshiniń 3 jumysy bar, biraq aldaǵy ýaqytta ol óziniń jeke kórmesin ótkizýdi josparlaýda.
