Ýkraınalyq sarbaz qarýdan oq jaýdyryp, 5 adamdy óltirdi, 5-eýi jaraqattandy

DNIPR. ÝkrInform - QazAqparat – Ýkraınada Ulttyq gvardııa sarbazy 4 áskerı qyzmetshi men 1 áıeldi atyp óltirdi, taǵy 5 adam jaraqat aldy. Bul týraly QazAqparat ÝkrInform agenttigine silteme jasap habarlaıdy.

Polıtsııa málimetinshe, oqıǵa Dnıprde Ońtústik mashına jasaý zaýytynyń aýmaǵynda boldy.

«Polıtsııaǵa Ulttyq gvardııa sarbazynyń avtomatty qarýdan oq jaýdyrǵany týraly habarlama kelip tústi. Sonyń saldarynan tórt áskerı qyzmetshi men azamattyq bir áıel oqıǵa ornynda qaza boldy, taǵy bes adam jaraqat aldy. Er adam qolyna qarý ustaǵan kúıi oqıǵa ornynan izin sýytty», - delingen aqparatta.

Er bala 2001 jyly Odessa oblysynda dúnıege kelgen, Ulttyq gvardııanyń áskerı qyzmetshisi.

Oqıǵa ornyna dereý Ulttyq polıtsııanyń Dnepropetrov oblysy boıynsha basshylyǵy, jedel-tergeý toby, krımınalıst sarapshylar, barlyq salalyq qyzmetkerler shyqqan.

Dnepropetrov jáne kórshiles oblystarda polıtsııa arnaıy operatsııa júrgizýde. Kúdiktini izdeýge polıtsııanyń barlyq qyzmetteri tartylǵan.

Qaıǵyly oqıǵanyń mán-jaıyn Ýkraına eliniń Memlekettik tergeý bıýrosy jáne áskerı prokýratýra ókilderi anyqtaıtyn bolady.