Ýkraınalyq fýtbolshy «Tobyl» sapyna qosyldy
QOSTANAI. QazAqparat - Qostanaıdyń «Tobyly» chempıonat bastalmaı turyp, shabýylshymen tolyqty, dep habarlaıdy QazAqparat tilshisi.
«Tobyl» quramyna alynǵan Anton Shınder 1987 jyly 13 maýsymda Ýkraınanyń Sýmy qalasynda týdy. Jergilikti «Smena» sport mektebiniń túlegi. Kásibı mansabynda «Tavrııa» (Sımferopol), «Shahter» (Donetsk), «Chernomorets» (Odessa), «Vorskla» (Poltava) sııaqty klýbtar boldy. Sondaı-aq, Germanııanyń «Groıter Fıýrt», «Aalen», «ıAn Regensbýrg» syndy komandalarynda dop tepti. «Tobylǵa» deıin reseılik «Amkar» klýbynda oınady.
Birneshe ret Ýkraına jastar quramasyna shaqyrtylǵan. Ýkraına ulttyq quramasy sapyndaǵy alǵashqy oıynyń Chehııaǵa qarsy ótkizdi.
Anton Shınder qostanaılyq komandada 25-nómirmen alańǵa shyǵady.
Aıta keteıik, «Tobyl» jaqynda chehııalyq oıynshy Egon Výhty Qaraǵandynyń «Shahterine» jalǵa berdi.
