Ýkraınalyq fýtbolshy Rızvan Ablıtarov «Qaısarda» oınaıdy

QYZYLORDA. QazAqparat - Qyzylordanyń «Qaısar» komandasy ýkraınalyq qorǵaýshy Rızvan Ablıtarovpen kelisimshartqa otyrdy, dep habarlaıdy QazAqparat tilshisi klýbtyń baspasóz qyzmetine silteme jasap.

R.Ablıtarov 1989 jyldyń 18 sáýirinde dúnıege kelgen. Búgingi kúnge deıin Ýkraınanyń «Sevastopol», «Býkovına», «Tıtan», «Obolon-Brovar», «Chernomorets» (Odessa), Latvııanyń «Daýgava» (Daýgavpıls) komandalarynda oınaǵan. 2017 jyldan beri qazaqstandyq «Atyraý» klýbynyń sapynda 34 oıyn kórsetip, qarsylastar qaqpasyna 2 gol soqty.

Budan buryn «Qaısar» basshylyǵy qorǵaýshylar - Eldos Ahmetov jáne Baǵdat Qaıyrov, grýzııalyq shabýylshy Elgýdja Lobjanıdze, kabo-verdelik jartylaı qorǵaýshy Alvın Fortespen kelisimshartqa otyrǵan bolatyn.

Aıta keteıik, «Qaısar» 3-27 qańtar aralyǵynda Túrkııanyń Antalııa qalasynda alǵashqy oqý-jattyǵý jıynyn ótkizedi. Qazir komandada qazaqstandyq fýtbolshylarmen birge Reseıden Alekseı Shýmskıh, Ýkraınadan Rızvan Ablıtarov, Mozambıkten Rejınaldo Faıfe synaqtan ótýde.