Ýkraınalyq bosqyndar sany 5 mıllıonnan asty

NUR-SULTAN. QazAqparat – Ýkraınada qaqtyǵys bastalǵaly elden ketkender sany 5 mıllıonnan asty. Mundaı málimetterdi BUU-nyń bosqyndar isi jónindegi Joǵarǵy komıssary basqarmasy keltirdi, dep habarlaıdy QazAqparat Euronews-ke silteme jasap.

Ýkraına azamattary bassaýǵalaǵan elder arasynda birinshi orynda Polsha tur. Qazirdiń ózinde bul elge 2,8 mıllıonnan astam adam kelgen.

«Shekarany kesip ótip jatqan bosqyndar sany kún saıyn artyp keledi. Polshada bosqyndardy qabyldaýdyń arnaıy ortalyqtary bar, olardyń kópshiligi áıelder men balalar», - dedi BUU Bosqyndar isi jónindegi joǵarǵy komıssarynyń baspasóz hatshysy Shabıa Mantý.