Ýkraınalyq boksshy Lomachenko álem chempıony ataǵyn qorǵady
ASTANA. QazAqparat - Ýkraınalyq boksshy Vasılıı Lomachenko ıamaıkalyq Nıkolas Ýoltersten basym túsip, 58,96 kelige deıingi salmaqta Búkilálemdik boks uıymy (WBO) boıynsha álem chempıony ataǵyn qorǵap qaldy.
Bul týraly «Lenta.rý» habarlady.
Jekpe-jek jeksenbide, 27 qarashaǵa qaraǵan túni Amerıkanyń Las-Vegas qalasynda ótti. Jetinshi raýndta ýkraınalyq boksshy tehnıkalyq nokaýtpen basym tústi.
Lomachenko maýsym aıynda pýertorıkalyq Roman Martınesti jeńip, WBO álem chempıony ataǵyn óz mansabynda alǵash ret qorǵady. Endi ýkraınalyqtyń qorjynynda jeti jeńis (beseýi nokaýt) jáne bir jeńilis bar.
Bul jekpe-jek Ýolterstiń sporttyq jolyndaǵy birinshi jeńilisi. Onyń esebinde 26 jeńis (21-i nokaýt), bir jeńilis bar jáne bir oıynda teń túsken.
Foto: USA Today Sports/ Reuters
