Ýkraınalyq «Barbı» álemdi tańyrqatýda
ASTANA. 24 qarasha. QazAqparat - Odessalyq qyz Valerııa Lýkıanova balalyq shaǵynda qýyrshaqpen oınaǵandy jaqsy kóretin. Eseıgesin de ol ádetinen jańylmaǵan syńaıly. Oǵan qarap: et pen súıekten jaralǵan ba, álde plastıkadan jasalǵan ba dep qalasyń?!
Ol syrt kelbeti ataqty Barbı qýyrshaǵyna uqsaýy úshin kóptegen operatsııalardan ótti. Oǵan jalpy kólemi 800 myń dollarǵa jýyq aqsha jumsalypty. Sóıtip, aınymaǵan Barbıdiń ózi bolyp shyqqan: kózderi úlken, aýzy oımaqtaı, qumyrsqa bel (birneshe qabyrǵalaryn da aldyryp tastaǵan).
Valerııa búginde Odessanyń ǵana emes, búkil álemniń áleýmettik jelilerinde jaqsy tanymal. Álemniń Internet-qoǵamdastyǵy ol jóninde tamsanyp aıta bastady. Aıtpaqshy, Valerııa turmysta kórinedi, onyń áreketteri kúıeýine de unaıtyn tárizdi, áıteýir kelinsheginiń jasanyp, jaınaı túsýine aqsha aıamaıtyn kórinedi, dep jazady reseılik BAQ.
