Ýkraınalyq azamat álemdegi eń kúshti shahmat baǵdarlamasyn jeńdi
ASTANA. 29 sáýir. QazAqparat - Belgili ýkraındyq ǵalym, professor-neırohırýrg Andreı Slıýsarchýk álemdegi eń kúshti "Rybka-4" shahmat baǵdarlamasyn sensatsııalyq túrde jeńdi, dep habarlady Ýkrınform.
Osy ýaqytqa deıin eshbir grossmeıster teń dárejede osy baǵdarlamany jeńe almady.
Shahmatpen birneshe aı buryn ǵana áýestene bastaǵan Slıýsarchýk birinshi partııany jeńip, ekinshisinde teń tústi.
«Doktor Pı» degen laqap aty bar ýkraınalyq fenomen óziniń málimetterdi, mátinderdi, kezektilikti jáne ózge de aqparattardy este saqtaý qabiletimen belgili. Ol 30 mıllıonnan astam Pı belgilerin este saqtaı alýymen barynsha tanymal bolǵan.
Qazirgi kúni Vınnıtsadaǵy orta mekteptiń 9 jasynda aıaqtap, 12 jasynda stýdent atanǵan Slıýsarchýk, «Lvov polıtehnıkasy» Ulttyq ýnıversıtetiniń «Aqparattyq júıeler men jeliler» kafedrasynyń professory bolyp tabylady.
