Ýkraınalyq 62 jylǵa júrgizýshi quqyǵynan aıyryldy
ASTANA. QazAqparat - Ýkraınalyq azamat 62 jylǵa júrgizýshi quqyǵynan aıyryldy. Ony polıtsııa 16 ret ishimdik iship alyp, kólik júrgizip júrgen jerinen ustaǵan, dep habarlaıdy korrespondent.net, Ýkraınanyń Zakarpat oblysyna qarasty Mýkacheva qalasynyń óńirlik ulttyq polıtsııasyna silteme jasap.
Quqyq qorǵaý organy ókilderiniń málimetterinshe, 2016 jyldyń tamyzynan beri olar er azamatqa qatysty 35 ákimshilk hattama toltyrǵan. Olardyń 16-sy kólikti mas kúıinde júrgizýmen baılanysty bolyp oytr. Oǵan sondaı-aq osyǵan deıin 300 myń grıven aıyppul salynǵan.
Sondaı-aq atalmysh azamat birneshe ret qylmystyq quqyqbuzýshylyqqa jol bergen. Olardyń arasynda esirtki saqtaý, qorshaǵan ortany lastaý, urlyq sııaqty áreketter bar. Soǵan qaramastan azamat birde-bir sot otyrysyna kelmegen jáne isti qaraýdy keıinge qaldyrý týraly ótinish te bermegen.
«Osy ýaqytta atalǵan azamat esh jerde jumys istemeıdi jáne aıyppul da tólemeıdi. Sot onyń kóligin de tárkileı almaıdy. Óıtkeni ol ózge bireýdiń atynda»,-dep muńyn shaǵady polıtsııa ókilderi.
