Ýkraınalyq Igor Plastýn bıyl «Ordabasy» klýbynda oınaıdy

ASTANA. KAZINFORM - Fýtboldan shymkenttik «Ordabasy» klýby ýkraınalyq Igor Plastýnmen kelisim-shartqa qol qoıdy. 

Ýkraınalyq fýtbolshy bolgarııalyq «Lýdogorets», belgııalyq «Gent», ýkraınalyq «Karpaty» jáne «Obolon» komandalarynda oınaǵan.

Ol eýrokýbokta 70 márte jasyl alańǵa shyqqan. Ýkraına quramasy sapynda 5 oıyn ótkizgen. 

Sondaı-aq shymkenttik komanda quramynda bıyl Djasýrbek ıAhshıboev óner kórsetedi. 26 jastaǵy shabýylshy Ózbekstannyń «Pahtakor», AGMK, «Navbahor», Belarýstiń «Energetık-BGÝ», «Shahter Solıgorsk», Polşanyń «Legııa», Moldovanyń «Sherıf» klýbtarynyń namysyn qorǵaǵan. 

«Ordabasy» komandasy 2023 jyly óz tarıhynda tuńǵysh márte Qazaqstan chempıony ataǵyn jeńip aldy. Bıyl Chempıondar lıgasy irikteý satysynda el namysyn qorǵaıdy. Komanda quramynda Ashat Taǵybergen, Baýyrjan Islamhan, Erkebulan Tuńǵyshbaev syndy ulttyq quramada oınaıtyn fýtbolshylar bar. 

Eske salsaq, budan buryn «Qaısar» quramyna ózbekstandyq jáne senegaldyq shabýylshylar qosylǵanyn habarlaǵan edik.