Ýkraınaǵa Qazaqstannan bitimgerler jiberile me - Senat tóraǵasynyń jaýaby

NUR-SULTAN. QazAqparat – Senat tóraǵasy Máýlen Áshimbaev Ýkraınadaǵy shıelenis aýmaǵyna qazaqstandyq bitimgerlerdi jiberý múmkindigi týraly suraqqa jaýap berdi, dep habarlaıdy QazAqparat tilshisi.

Senattyń jalpy otyrysynan keıin tilshiler saýalyna jaýap bergen palata tóraǵasy Qazaqstan UQShU-nyń múshesi ekenin eske saldy. Osyǵan baılanysty «shıelenis aýmaǵyna qazaqstandyq bitimgerlerdi baǵyttaý múmkin be» degen suraq týyndaıdy. Bul turǵyda bizdiń ustanym birmándi. BUU jarǵysyna jáne basqa da qujattarǵa sáıkes, Qazaqstan UQShU elderinen tys jerlerge bizdiń bitimgerlerdi tek BUU mandatyna saı jibere alady.

Onyń aıtýynsha, UQShU jarǵysyna sáıkes, uıymnyń bitimgerlik kúshteri men áskerleri tek múshe elderdiń aýmaǵynda ǵana áreket etedi. Shıelenis aımaǵy uıymǵa múshe elderdiń aýmaǵyna kirmeıdi, sondyqtan osy shartqa ári ratıfıkatsııalanǵan kelisimderge saı, qaqtyǵys aımaǵyna UQShU aıasynda bitimgerlerdi baǵyttaýǵa bolmaıdy.

Aıta keteıik, M. Áshimbaev Ýkraınadaǵy jaǵdaıǵa baılanysty pikir bildirdi. Osy oraıda ol shıelenisti beıbit jolmen sheshý úshin kelissózder júrgizý mańyzdy bolyp tur.

Budan buryn habarlanǵandaı, jaqynda QR Syrtqy ister mınıstri Muhtar Tileýberdi Reseıdiń Donetsk pen Lýganskini turaqtandyrý sheshimine pikir bildirdi.

Búgin Ýkraına Prezıdenti Vladımır Zelenskıı el halqyna úndeý jarııalap, Ýkraına aýmaǵynda áskerı jaǵdaı rejımi engizilgenin málimdedi.