Ýkraınaǵa qatysty tórtjaqty kelissózderde birqatar kelisimderge qol jetkizildi - Germanııa SІM basshysy
ASTANA. QazAqparat - Ýkraınadaǵy jaǵdaı boıynsha Reseı, Germanııa, Frantsııa jáne Ýkraınanyń syrtqy ister mınıstrleriniń Berlınde ótken kelissózderi kúrdeli boldy, dep málim etti GFR SІM Frank-Valter Shtaınmaıer.
«Birneshe saǵat boıy kelissózder júrgizdik. Barlyǵy ashyq sóılesti, aýyr taqyryptar qozǵaldy. Biraq birqatar máseleler boıynsha alǵa jyljydyq dep úmittenemin», - dedi Shtaınmaıer, dep jazdy RIA Novostı.
Germanııa SІM basshysynyń sózine qaraǵandaı bul kelissózder qazirgi kúrdeli kezeńde óte qajet boldy. «Kelissózder maqsaty Ýkraınadaǵy qaqtyǵystardy toqtatý úshin qolda bar múmkindikterdi paıdalaný bolyp qala berdi», - dep atap ótti mınıstr. Eske sala keteıik, bul Sergeı Lavrov, Frank-Valter Shtaınmaıer, Loran Fabıýs jáne Pavel Klımkınniń ekinshi ret kezdesýi. Osyǵan deıin olar 2 shildede Berlınde kezdesken. Eki saǵatqa sozylǵan kelissózder nátıjesinde biryńǵaı deklaratsııa qabyldandy, onda taraptar Ýkraınada beıbitshilikke qol jetkizý mindetterin qabyldady.
