Ýkraınadan kelgen azamattarymyzdyń referendýmǵa qatysýyna jaǵdaı jasaýymyz kerek — Nurlan Ábdirov

ASTANA. KAZINFORM — Ýkraınadan kelgen azamattarymyzdyń referendýmǵa qatysýyna jaǵdaı jasaýymyz kerek. Bul týraly Ortalyq referendým komıssııasynyń otyrysynda komıssııa tóraǵasy Nurlan Ábdirov aıtty. 

— Astana qalasynyń aýmaqtyq saılaý komıssııasy Syrtqy ister mınıstrligimen shetelde ashylatyn 80 ýchaskeniń jumysyn qamtıdy jáne sol jerdegi jaǵdaıdy tolyqqandy baqylap, járdem kórsetip otyrady. Ýkraınada júrgen, sol jaqta tirkeýde bolǵan azamattar elge qaıtyp kelip, osynda bolsa, onda olardyń referendýmǵa qatysýyna mindetti túrde jaǵdaı jasaýymyz kerek. Olaı bolsa, Syrtqy ister mınıstrligi men Astana qalasynyń aýmaqtyq saılaý komıssııasy birlese otyryp, ol adamdardy aıqyndaıyq. Qaıda júr eken? Naqty elde bolsa, múmkindikterimiz bar. Tipti, tirkelmegen adamdar bolsa, bir kúnge tirkeletin 220 ýchaske bar. Sony paıdalanaıyq nemese basqa da múmkindikteri bar shyǵar. Múmkin olar qazir tirkelgen de bolar. Sony anyqtaýymyz kerek, — dedi Nurlan Ábdirov komıssııa otyrysynda.

Buǵan deıin elimizdiń Syrtqy ister mınıstrligi Ýkraına men Efıopııada referendým ýchaskelerin ashpaý týraly sheshim qabyldaǵan edi.