Ýkraınadan Qazaqstanǵa Atyraý oblysynyń týmasy A. Muhıtov ekstradıtsııalandy - QR Bas prokýratýrasy
ASTANA. 25 qańtar. QazAqparat - Búgin, Bas prokýratýranyń suranys haty boıynsha Ýkraınadan Qazaqstanǵa Atyraý oblysynda 1983 jyly týǵan Ardager Muhıtov ekstradıtsııalandy.
Bul týraly QR Bas prokýratýrasynyń baspasóz qyzmeti habarlaıdy.
Buryn A. Muhıtov Qazaqstan aýmaǵynda qoǵamdyq qaýipsizdikke qarsy qylmys jasady degen kúdikpen halyqaralyq izdeý jarııalanǵan bolatyn.
Atap aıtqanda, tergeý organdary A. Muhıtovqa lańkestik toptyń qyzmetine qatysqany úshin Qazaqstan Respýblıkasy Qylmystyq Kodeksiniń 233-2-babymen aıyp taqqan.
A. Muhıtovqa qatysty qylmystyq istiń tergelýi jalǵasýda.
