Ýkraınadan evakýatsııalanǵan qazaqstandyqtar mingen alǵashqy reıs Almatyǵa qondy

ALMATY. QazAqparat - Ýkraınadan evakýatsııalanǵan qazaqstandyqtar mingen alǵashqy reıs Almatyǵa qondy, dep habarlaıdy QazAqparat tilshisi.

Almatynyń halyqaralyq áýejaıyna «Air Astana» áýe kompanııasynyń Airbus A321 ushaǵy Ýkraınadan evakýatsııalanǵan Qazaqstan azamattarymen ushyp keldi. Ushaq Polshanyń Katovıtse qalasynan ushyp shyqqan bolatyn.

Áýejaıda kelgen jolaýshylarǵa jedel kómek kórsetý qajet bolǵan jaǵdaıda medıtsınalyq mamandar kezekshilik etti.

Evakýatsııalanǵan qazaqstandyqtardy Almaty ákimdigi kúnine úsh ret tamaq beriletin yńǵaıly qonaq úıge ornalastyrdy.

Almatyǵa kelgenderdiń barlyǵyna ýaqtyly ári jan-jaqty qoldaý kórsetiledi.

Qala ákimdigi qajet bolǵan jaǵdaıda medıtsınalyq mamandardyń qyzmetin, onyń ishinde psıhologııalyq kómek kórsetýge daıyn.

Qazirgi ýaqytta Almatyǵa Ýkraınadan taǵy da bir repatrıatsııalyq reıs keledi dep kútilýde.