Ýkraınadan bosyp ketken adam sany 7 mıllıonnan asty

NUR-SULTAN. QazAqparat - Qarýly qaqtyǵys bastalǵaly 7 mıllıonnan astam ýkraınalyq shetelge bosyp ketken.

Bul málimetti Birikken ulttar uıymynyń Bosqyndar isi jónindegi joǵarǵy komıssarynyń basqarmasy taratty, dep habarlaıdy QazAqparat Habar24kz saıtyna silteme jasap.

Óz elinen bas saýǵalap qashqandardyń kóbi Polshadan pana tapqan.

Jalpy Eýropa elderinde bosqyn mártebesin shamamen 5 mıllıon adam alǵan. Olardyń deni áıelder men balalar.

Esterińizge sala keteıik, Ýkraına bıligi 60 jasqa deıingi azamattardy elden shyǵarmaıdy. Óıtkeni olar áskerge shaqyrylýy múmkin.