Ýkraınadan 76 otandasymyz elge oraldy
«Koronavırýs ınfektsııasynyń jyldam taraýyna baılanysty azamattarymyzdy shet elderden qaıtarý jónindegi is-sharalar aıasynda 27 naýryzda Ýkraınadan Qazaqstanǵa taǵy 76 otandasymyz sátti oraldy», - delingen vedomstvo aqparatynda.
Mınıstrlik málimetinshe, Qazaqstanyń Ýkraınadaǵy Elshiliginiń dıplomattary osyndaı nátıjege qol jetkizý úshin aýqymdy jumys atqaryp, azamattarymyzdyń tizimin ázirlegen. Sonymen qatar «Kıev – Almaty – Kıev» baǵytynda charterlik reıs uıymdastyrý úshin tıimdi áýekompanııany anyqtaý, qazirgi álemdegi qıyn jaǵdaıda logıstıka máselesin sheshý jáne basqa da kóptegen uıymdastyrý sharalaryn júzege asyrǵan.
«Ýkraınadaǵy dıplomattarymyzǵa azamattarymyzdyń ıgiligi úshin qajyrly eńbek etip, qoıylǵan mindetterdi adal oryndaǵany, sondaı-aq QR SІM jedel shtabyndaǵy áriptesterimizge búkil álem boıynsha elshilikter qyzmetkerleriniń jumysyn tıimdi úılestirgeni úshin alǵys bildiremiz», - dep atap ótedi mınıstrlikten.
