Ýkraınadaǵy jaǵdaı soǵystyq sıpat alyp úlgerdi
KIEV. 23 qańtar. QazAqparat - «Búrkit» arnaıy jasaǵy men ereýilshiler arasyndaǵy qaqtyǵys naǵyz soǵystyq sıpat alyp úlgerdi. Bul týraly arnaıy QazAqparat úshin Ýkraınadaǵy tilshi habarlady.
22 qańtar kúni, sherýshilerdi alańnan «tazartý» úshin segiz myńǵa jýyq qúshtik qurylym jumyldyrylǵan. «Tazartý» jumysy - ereýilshiler men «Búrkit» jasaǵy arasyndaǵy aıaýsyz jáne qarymta urysqa alyp keldi. Sherýshiler kóshe tastaryn jáne qoldan jasalǵan jarylǵysh zattardy quqyq qorǵaýshylarǵa laqtyryp, kólik dóńgelekterin jaǵyp, alańdy qara tútinge aınaldyrǵan. Alaıda, búgin, 23 qańtardyń tańynda alań sál tynyshtaldy. Bılik pen oppozıtsııa áli de bir baılamǵa keler emes. Búgin tús mezgilinde Maıdanǵa kelgen «Ýdar» partııasynyń jetekshisi Vıtalıı Klıchko: «keshki saǵat segizge deıin urysty toqtatyp, bılik tarapynan naqty bir sheshimdi kúteıik», - dep málim etti. Oppozıtsııa merzimnen buryn prezıdenttik jáne parlamenttik saılaý ótkizý qajet degen talap qoıyp otyr.
