Ýkraınadaǵy jaǵdaı Qazaqstanda energojabdyqtar tapshylyǵyn týǵyzdy – Aqsholaqov

ASTANA. QazAqparat – QR Energetıka mınıstri Bolat Aqsholaqov Úkimet otyrysynan keıin BAQ ókilderiniń suraǵyna bergen jaýabynda Ýkraınadaǵy jaǵdaı Qazaqstanda energetıka jabdyqtarynyń tapshylyǵyn týyndatqanyn málimdedi, dep habarlaıdy QazAqparat tilshisi.

«Qazir energııa naryǵyndaǵy tártip boıynsha ár stansa júkteme arqalap otyr. Sol úshin aıyna ár MVt úshin 590 myń teńge alady. Bul aqshaǵa ol stansalar udaıy ınfraqurylymyn jańartyp, damytyp otyrýy kerek. Biraq oǵan qajet qondyrǵylardyń bári bizde óndirilmeıdi. Mine, bıyl Ýkraınadaǵy oqıǵalarǵa baılanysty qosalqy bólshekter tapshylyǵyn sezindik. Óıtkeni kóp bóligi sol elden ákelinetin. Jetkizý jolyn qaıta baǵdarlaı aldyq. Biraq báribir másele tolyq sheshilgen joq», - dedi mınıstr.

Sondaı-aq, ol energetıka otynynyń qymbattap jatqanyn eske aldy.

«Sondyqtan salany odan ári tereń jańǵyrtý úshin energııa naryǵy tarıfin aıyna bir MVT úshin 590 myń teńgeden 855 myń teńgege deıin kóterý kerek dep esepteımiz», - dedi Bolat Aqsholaqov.