Ýkraınadaǵy prezıdent saılaýynda daýys berýge 37 mıllıonǵa jýyq el azamattary qatyspaq
ASTANA. Qańtardyń 17-si. QazAqparat - Búgin Ýkraınada prezıdenttiń saılaýy bastaldy. 37 mıllıonǵa jýyq ýkraındyq eldegi 33 myń 677 jáne Ýkraınanyń álemniń 76 elindegi dıplomatııalyq mekemeleri janyndaǵy 113 saılaý ýchaskesinde, sondaı-aq aýrýhanalarda, qylmystyq atqarý júıesi mekemelerinde arnaıy ashylǵan 1485 ýchaskede daýys berý quqyǵy bar.
Antarktıdadaǵy «Akademık Vernadskıı» stansysynda jumys isteıtin ýkraındyq polıarlyqtar da óz daýystaryn bere alady. Osyǵan oraı, Ortalyq saılaý komıssııasy arnaıy sheshim qabyldaǵan, ıaǵnı polıarlyqtar daýys berý bıýlletenderin ózderi ázirlegen.
Saılaý barysyn halyqaralyq uıymdardan 2816 jáne 16 elden 275 baqylaýshy qadaǵalaýda. Ulttyq ekzıt-pol nátıjesi 20:00-de barlyq saılaý ýchaskeleri jabylǵannan keıin birden jarııalanady. Eń jas kandıdattar 35 jastaǵy burynǵy spıker Arsenıı ıAtsenıýk pen «Halyqtyq qutqarý armııasy» qoǵamdyq qozǵalysynyń kóshbasshysy Aleksandr Pabat. Al eń úlkeni 65 jastaǵy sotsıalıster kóshbasshysy Aleksandr Moroz.
Daýys berýdiń resmı nátıjesin Ortalyq saılaý komıssııasy qańtardyń 27-inen keshiktirmeı jarııalaıdy. Sarapshylardyń boljamynsha, prezıdenttik saılaýdyń ekinshi kezeńi ótýi múmkin.
