Ýkraınadaǵy prezıdent saılaýy: OSK birinshi týr qorytyndysyn jarııalady

KIEV. QazAqparat - Ýkraınanyń Ortalyq saılaý komıssııasy prezıdent saılaýyndaǵy bıýlletenderdiń 100 paıyzyn óńdedi. Ekinshi týrǵa shoýmen Vladımır Zelenskıı men qazirgi memleket basshysy Petr Poroshenko ótti, dep habarlaıdy QazAqparat Ýkraınformǵa silteme jasap.

Aqparattar OSK saıtynda jarııalanǵan.

Esepteýlerge sáıkes, Vladımır Zelenskıı kósh bastap tur. Oǵan saılaýshylardyń 30,24% daýys bergen. Petr Poroshenko 15,95% daýys jınady.

ıÝlııa Tımoshenkony elektorattyń 13,40%, ıÝrıı Boıkony - 11,67%, Anatolıı Grıtsenkony - 6,91%, Igor Smeshkony - 6,04%, Oleg Lıashkony - 5,48%, Aleksandr Vılkýldy - 4,15%, Rýslan Koshýlınskııdi - 1,62% saılaýshy qoldaǵan.

Ýkraınada daýys berýge qatysqan saılaýshylar sany - 18 893 879.

Eske salaıyq, 31 naýryz kúni Ýkraınada prezıdent saılaýynyń birinshi týry ótti.

Buǵan deıin elektrondyq hattamalardyń 97,41 paıyzy óńdelgenin habarlaǵan bolatynbyz.