Ýkraınadaǵy qaqtyǵystyń barlyq taraptaryn qantógisti toqtatýdyń ońtaıly sheshimin tabýǵa shaqyramyz - QR Prezıdenti
ASTANA. QazAqparat - Biz Ýkraınadaǵy qaqtyǵystyń barlyq taraptaryn qantógisti toqtatýdyń ońtaıly sheshimin tabýǵa shaqyramyz, dedi QR Úkimetiniń keńeıtilgen otyrysynda QR Prezıdenti N. Nazarbaev.
«Bizdi Ýkraına halqymen sharýashylyq, saýda kelisimsharttary, adamdardyń qarym qatynasy sııaqty kóp nárse baılanystyrady. Qarapaıym ýkraın halqynyń qazirgi basynan keship jatqany qazaqstandyqtardy alańdatyp otyr. Biz ashyq ári senimdi dıalog negizinde qaqtyǵystyń barlyq taraptaryn kelisimge kelip, qantógiske jol bermeı ásirise, áıelder men balalardyń ómirine qaýip tóndirmeý úshin ózara tıimdi sheshimge kelýge shaqyramyz», - dedi N. Nazarbaev.
Prezıdent tyǵyryqtan shyǵýdyń basqa jolyn kórmeıtinin basa aıtty. Memleket basshysy, sarapshylardyń boljaýy boıynsha, bıylǵy jyly Ýkraınada ІJÓ keminde 6 paıyzǵa tómendeıtinin, ınflıatsııa 20 paıyzǵa ósetinin atap ótti.
Ýkraına - Qazaqstan úshin mańyzdy saýda-ekonomıkalyq áriptesterdiń biri.
