Ýkraınadaǵy halyqaralyq týrnırde qazaqstandyq boksshylar bir «altyn», eki «kúmis» pen bir «qolaǵa» ıe boldy
ASTANA. 1 sáýir. QazAqparat - Herson qalasynda (Ýkraına) 26-30 naýryz aralyǵynda ótken Nıkolaı Mangerdi eske alýǵa arnalǵan Halyqaralyq týrnırde qazaqstandyq boksshylar bir altyn, eki kúmis jáne bir qola medaldardy jeńip aldy,
dep habarlady «Qazaqstan boks federatsııasy» qaýymdastyq nysanyndaǵy zańdy tulǵalar birlestiginiń baspasóz qyzmeti.
Jan Kosobýtskıı 91 keliden joǵary salmaq dárejesinde jeńimpazdar tuǵyrynyń eń joǵary satysyna kóterildi. Ol fınalda ózbek sportshysyn aıtarlyqtaı basymdyqpen jeńdi, al onyń aldyńǵy eki kezdesýdi osyndaı aıqyn basymdyqpen ýaqytynan buryn aıaqtady.
Kúmis júldelerdi Baqytjan Qojabekov (69 keli) pen Almat Serimov (81 keli) qanjyǵalaryna baılady. Olardyń ekeýi de altyn medalǵa laıyqty úmitker bolǵanyn atap ótý kerek.
B. Qojabekovtyń aqtyq kúresi birinshi raýndtan keıin sekýndantpen toqtatyldy, sebebi bizdiń sportshy jartylaı fınalda qolynan jaraqat alyp, jarysty jalǵastyra almady. Soǵan qaramastan, ol týrnırdiń eń úzdik boksshysy atandy. Al A.Serimov fınaldyq qyzý kúreste Ýkraına quramasynyń birinshi nómirli sportshysy, el chempıony, stýdentter arasyndaǵy 2012 jylǵy álem chempıony Aleksandr Ganzýleden jeńildi. Qola júldeni Temirtas Júsipov qanjyǵasyna baılady (49 keli).
Qazaqstan atynan týrnırge jeti sportshy qatysty.
Jeńilistiń aşy dámin - ekinshi aıqasta utylyp qalǵan Rýstam Rýstamov (56 keli), birinshi kezdesýde 2011 jylǵy álem chempıony, HHH jazǵy Olımpıada oıyndarynyń qatysýshysy ýkraınalyq Evgenıı Hıtrovtan jeńilgen Erik Áljanov (75 keli) jáne jastar arasyndaǵy Eýropa chempıonatynyń fınalısi, ýkraınalyq sportshy Gevorgý Manýkýıaǵa utylǵan Aqmola oblysynyń ókili - Mádı Habıev (91 keli) tatty.
Týrnırge barlyǵy 11 elden 118 boksshy qatysty.
