Ýkraınadaǵy gýmanıtarlyq jaǵdaıdy Eýroodaq ishki ister mınıstrleri talqylady
Ádilet jáne ishki ister keńesi Eýropalyq odaqqa múshe 27 eldiń ishki ister mınıstrlerinen turady.
«Jaǵdaıdy baqylaý, yntymaqtastyq sharalaryn úılestirý jáne barlyǵyn tartý maqsatynda EO-nyń saıası daǵdarysqa keshendi jaýap berý tetikterin jandandyrý týraly sheshim qabyldandy. Birinshi tehnıkalyq jınalys dúısenbi, 28 aqpanda shaqyrylady», - delingen Eýropalyq Komıssııanyń habarlamasynda.
Kezdesýge qatysqan mınıstrler kelesi aspektilerge nazar aýdardy: Ýkraınaǵa gýmanıtarlyq qoldaý kórsetý, EO-nyń syrtqy shekaralaryn basqarý, bosqyndardy qabyldaý, vızalardy berý boıynsha birlesken sharalar.
Ýkraınadaǵy jaǵdaı Eýropalyq Odaqtan pana izdegen adamdardyń kóbeıýine ákeldi. Bosqyndardy qabyldaý Ýkraınamen shekaralas birneshe odaqqa múshe memleketterde usynyldy. EO mınıstrleri EO úılestirýimen osy máselede kómek suraıtyn múshe memleketterge qoldaý kórsetýge daıyn ekendikterin bildirdi.
«Biz olardy mıgrant dep ataı almaımyz, olar soǵystan qashqan bosqyndar. Bul tragedııanyń gýmanıtarlyq aspektileri bizdi qatty alańdatady jáne biz olardy qabyldaıtyn elderdi qoldaý úshin tez áreket etýimiz kerek. EO-nyń azamattyq qorǵaý mehanızmin iske qostyq jáne 18 múshe memleket Ýkraınaǵa mańyzdy gýmanıtarlyq jabdyqtardy jiberedi. Ýkraınadan ketetin adamdardyń sany artyp keledi», - dedi eýropalyq dıplomatııa basshysy.