Ýkraınadaǵy áskerı ushaq apaty: 25 adamnyń qaza tapqany belgili boldy

KIEV. ÝKRINFORM - QazAqparat – Ýkraına QK Áýe Kúshteri An-26 (b/n 76) ushaǵy qulaǵan kezde 25 adamnyń qaza tapqandyǵy belgili boldy, dep habarlaıdy QazAqparat «Ýkrınform» saıtyna silteme jasap.

25 qyrkúıekte saǵat 20.50-de Chýgýev qalasynyń mańynda áskerı áýejaıdan shamamen eki shaqyrym qashyqtyqta Ýkraına QK An-26 ushaǵy qulap, órtengen. Bortta 7 ekıpaj múshesi jáne I.Kojedýb atyndaǵy Áýe Kúshteri ýnıversıtetiniń 20 kýrsanty, barlyǵy 27 adam bolǵan, dep habarlady Facebook-te ÝQK Áýe Kúshteri basshylyǵy.

Ushý bilim berý baǵdarlamasy sheńberinde ótken bolatyn.