Ýkraınadaǵy atysty toqtatý týraly kelisim osy demalys kúnderi jasalýy múmkin — Merts

ASTANA. KAZINFORM — Germanııanyń jańa kantsleri Frıdrıh Merts atysty toqtatý týraly kelisim aldaǵy eki kún ishinde sheshilýi múmkin ekenin málimdedi. Bul týraly ol Brıýsselde ótken baspasóz máslıhatynda aıtty, dep habarlaıdy BBC agenttigi.

Onyń aıtýynsha, Reseı jarııalaǵan úsh kúndik atysty toqtatý sharasyn eskere otyryp, onyń 30 kúnge uzartylý yqtımaldyǵy joǵary, al odan keıin beıbit kelisim týraly kelissózder bastalýy múmkin.

Buǵan deıin Ýkraına 8-10 mamyr aralyǵyndaǵy atysty toqtatýǵa kelispeı, urysty 30 kúnge toqtatý qajettigin talap etken bolatyn. AQSh-tyń usynysy da 30 kúndik atysty toqtatýdy qarastyrady.

Merts bul talaptardy Reseı tarapy qabyldaıdy degen úmitin bildirdi.

— Dop tolyqtaı Máskeý jaǵynda, — dedi kantsler.

Buǵan deıin Zelenskıı Tramppen sóıleskenin aıtty.