Ýkraınada jappaı tártipsizdik saldarynan japa shekkender sany 608 adamǵa jetti
ASTANA. QazAqparat - Kıevtegi jappaı tártipsizdik saldarynan japa shekkender sany 608 adamǵa jetti, dep habarlaıdy RIA Novostı.
«22 aqpandaǵy Máskeý ýaqyty boıynsha saǵat 14.00-degi jaǵdaıǵa sáıkes, medıtsınalyq kómekti 608 adam suraǵan, onyń ishinde 393 adam aýrýhanalarǵa jatqyzyldy», delingen osy eldiń Densaýlyq saqtaý mınıstrliginiń saıtynda jarııalanǵan habarlamada.
Atalmysh mınıstrliktiń sońǵy derekterine súıensek, kóshelerdegi jappaı tártipsizdik saldarynan 77 adam qaza tapqan. Al Ýkraına ІІM olardyń sany 80-ge jetkeni týraly málimetterdi keltiredi.
Aıta keteıik, Kıev kóshelerindegi jappaı tártipsizdikter seısenbi kúni qaıta bastalǵan bolatyn. Ashynǵan top ókilderi Ýkraına parlamentine basyp kirýge áreket jasaǵan, al radıkaldar qala ortalyǵyndaǵy ǵımaratqa basa-kóktep kirip, avtomobılderdiń dóńgelekterin órtegen, quqyq qorǵaý qyzmetkerlerin taspen atqylaǵan.
