Ýkraınada jalpyǵa birdeı jaýyngerlik mobılızatsııa bastaldy

ASTANA. QazAqparat - Ýkraınada jalpyǵa birdeı mobılızatsııa bastaldy, zapastaǵy áskerı mindettiler áskerı qyzmetke shaqyrylýda, dep málimdedi Birinshi ulttyq arnanyń efırinde Ulttyq qaýipsizdik jáne qorǵanys keńesiniń hatshysy Andreı Parýbıı.

Bundaı sheshim Reseı tarapynan áskerı kıligý qaýpine baılanysty qabyldandy, dep jazady RBK.

Ýkraınanyń keıbir qalalarynda áskerı kommısarıattar jumys isteýde.

Osy eldiń Ulttyq qaýipsizdik jáne qorǵanys keńesi 1 naýryzda ótken otyrysta memlekettiń Qarýly kúshterin tolyq jaýyngerlik daıarlyqqa kóshirý sheshimin qabyldady.

«RF tarapynan bolýy múmkin basqynshylyqty eskere otyryp, Ýkraınanyń Qarýly kúshterin tolyq jaýyngerlik ázirlikke kóshirýdi buıyramyn», -dedi el prezıdentiniń mindetin atqarýshy Aleksandr Týrchınov.

Ol sonymen qatar elektr stansalary men áýejaılardyń jáne basqa da strategııalyq nysandar men ınfraqurylymdarda kúzet kúsheıtilgenin atap ótti.

Týrchınov el azamattaryn memlekettegi janjaldy umytý kerektigine shaqyrdy. «Biz barshamyz ýkraındyqpyz, osy oraıda memlekettiń aınalasynda jumylýymyz qajet. Arandatýshylyqqa, tergeýsiz sotqa, qanaýshylyqqa jol bermeı, senim men birlikti saqtaýymyz kerek»,-dedi ol.

Esterińizge sala keteıik, 1 naýryzda Federatsııa Keńesi Reseı prezıdentine Ýkraına aýmaǵynda jaǵdaı turaqtanǵanǵa deıin RF Qarýly kúshteriniń qoldanylýyna kelisim berdi. Mundaı sheshim Reseı Parlamenti joǵarǵy palatasymen qabyldandy. RF basshysyna Ýkraınadaǵy saıası daǵdarysqa aralasý ótinishin Eýromaıdan belsendilerinen qalyptastyrylǵan jańa úkimetti moıyndamaǵan Qyrymnyń Joǵarǵy keńesi jasaǵan edi.