Ýkraınada ustalǵan Qazaqstan azamatynyń aty-jóni belgili boldy
ASTANA. 12 jeltoqsan. QazAqparat /Marlan Jıembaı/ - Ýkraınada ustalǵan Qazaqstan azamatynyń aty-jóni belgili boldy. Bul týraly búgin aptalyq brıfıng barysynda QR SІM resmı ókili Altaı Abıbýllaev málim etti.
«Senbi kúni Qazaqstan azamatynyń Ýkraınada ustalǵandyǵy jóninde aqparat kelip túsken bolatyn. Osyǵan oraı QR Syrtqy ister mınıstrligi Ýkraınadaǵy Elshiligimizge kerekti málimetterdi alý jóninde shuǵyl tapsyrma berdi. Osy ýaqytqa deıin elshilikten kelip túsken málimetterge súıensek, ol rasynda da Qazaqstan azamaty, 1989 jyly 24 naýryzda dúnıege kelgen Atyraý oblysynyń týmasy Ardager Muhıtov», - dedi ol.
Onyń atap ótýinshe, Qazaqstan men Ýkraınanyń quqyq qorǵaý organdarynyń arasyndaǵy ózara yntymaqtastyq óte joǵary. Sonymen qatar eki eldiń prokýratýralarynyń arasynda ekstradıtsııalaý jónindegi kelisim de bar. Osy oraıda resmı ókil Ýkraına taraby qolǵa túsken Qazaqstan azamatyn ustaý, tergeý syndy máselelerge qatysty jaıttardy elimizdiń Bas prokýratýrasyna joldaıdy degen úmitin bildirdi.
Esterińizge sala keteıik, birqatar buqaralyq aqparat quraldary lańkestikke qatysy bar degen aıyppen izdeýde júrgen Qazaqstan azamatynyń Ýkraınada ustalǵandyǵy týraly aqparat taratqan bolatyn.
