Ýkraınada tumaýdan jáne tynys jolynyń jiti vırýstyq ınfektsııasynan 155 adam kóz jumdy
sp;ASTANA. Qarashanyń 9-y. QazAqparat - Ýkraınada tumaýdan jáne tynys jolynyń jiti vırýstyq ınfektsııasynan 155 adam kóz jumdy, onyń ishinde 11 adam -sońǵy táýlikte qaıtys boldy.
Eldiń Densaýlyq saqtaý mınıstrligi búgin osyndaı málimetti jarııa etti, dep habarlaıdy «Maıak» radıosy.
Tumaý indeti bastaǵaly beri 970 myńǵa jýyq adam aýyrǵan. Qazir eldiń 19 óńirinde, onyń ishinde Kıevte tumaý kórsetkishi epıdemııalyq shamadan asyp otyr.
Keshe keshke teleefırde sóz sóılegen Ýkraına prezıdenti Vıktor ıÝşenko, tumaýǵa baılanysty elde tótenshe jaǵdaı engizýge negiz kórip otyrmaǵanyn málim etti.
Osynyń aldynda eldiń birqatar joǵary laýazymdy ókilderi, onyń ishinde Ulttyq qaýipsizdik jáne qorǵanys keńesiniń hatshysy Raısa Bogatyreva da, elde tótenshe jaǵdaıdyń engizilý múmkindigi týraly málim etken bolatyn. Osyǵan baılanysty prezıdenttik saılaýdy qańtardyń 17-sinen mamyr aıyna aýystyrý yqtımaldyǵy da sóz bolǵan edi.
