Ýkraınada tumaýdan 70 adam kóz jumdy
ASTANA. Qarashanyń 3-i. QazAqparat - Ýkraınada tumaýdan 70 adam kóz jumdy, olardyń qatarynda úsh bala jáne eki júkti áıel bar,
dep habarlady Ýkraına Densaýlyq saqtaý mınıstrliginiń baspasóz qyzmetinen.
Atalǵan oqıǵalardyń 30-y Lvov oblysynda tirkelip otyr, bul oblysta 90 myńǵa jýyq adam tynys jolynyń jiti vırýstyq ınfektsııasyn juqtyrǵan - bul eldegi eń úlken kórsetkish.
Jalpy alǵanda Batys Ýkraınanyń 9 oblysynyń 8-de tumaýdan kisi ólimi tirkelgen, ol óńirlerde karantın rejimderi engizilip otyr. Ternopol oblysynan túsken resmı aqparat boıynsha, tumaýdan qaıtys bolǵan 16 adamnyń jeteýi jańa tumaýmen aýyrǵan bolyp shyqty.
Ýkraınada tumaýmen jáne tynys jolynyń jiti ınfektsııasymen 255,5 myń adam aýyryp jatyr. 235 naýqas óte aýyr jaǵdaıda.
