Ýkraınada tumaý qurbandarynyń sany 300 adamnan asty
ASTANA. Qarashanyń 17-si. QazAqparat - Dúısenbi kúngi jaǵdaı boıynsha, Ýkraınada tumaýdan jáne tynys jolynyń jiti vırýstyq ınfektsııasynan qaıtys bolǵandardyń sany 315 adamǵa jetti,
onyń ishinde 16 adam sońǵy táýliktiń ishinde kóz jumyp otyr, dep habarlaıdy Ýkraınanyń Densaýlyq saqtaý mınıstrliginen. Jeksenbi kúni keshke vedomstvo 299 qurban týraly habarlaǵan bolatyn.
Qazanyń aıynyń sońynda Ýkraınada tumaý epıdemııasy jarııa etildi. Mınıstrliktiń málimeti boıynsha, osy aralyqta 1 mıllıon 400 myń 999 adam aýyrǵan. Al sońǵy táýlikte 16 adam kóz jumǵan.
Tumaý indeti bastalǵaly beri 78 myń 326 adam aýrýhanaǵa tústi, olardyń ishinde 317 adam jansaqtaý bóliminde jatyr. Mınıstrliktiń aqparaty boıynsha, indet bastalǵaly beri aýrýhanaǵa túskenderdiń 48 myń 155-i jazylyp shyqqan.
