Ýkraınada Tımoshenkoǵa qatysty jańa sot protsesi bastaldy
ASTANA. 19 sáýir. QazAqparat - Harkovta Ýkraınanyń burynǵy premerine qatysty jańa sot bastalýda, dep habarlaıdy Ýtro.rý.
Kachanov kolonııasynda jazasyn ótep jatqan ıÝlııa Tımoshenko, «Ýkraınanyń biryńǵaı energetıkalyq júıeleriniń» basshysy kezinde laýazymdyq ókilettigin teris paıdalanǵandyǵy týraly is boıynsha, búgin bastalýy tıis sot otyrysyna qatysýdan bas tartty. Bas tartýdy Ýkraınanyń burynǵy premeri densaýlyq jaǵdaıymen túsindirdi.
Tımoshenko óz ótinishinde Harkov qalasynyń Kıev aýdandyq sotynyń 2012 jylǵy 2 sáýirdegi eskertý qaǵazy arqyly, ózine birqatar qylmystarǵa qatysty taǵylyp otyrǵan aıyptaýlar boıynsha № 2310 qylmystyq is, 19 sáýir kúni saǵat 10:00-de aldyn ala qarastyryrylatyndyǵy týraly aqparattandyrylǵanyn jazdy. «Ýkraınanyń QPK-men qarastyrylǵan óz quqyqtarymdy paıdalana otyryp, joǵaryda atalǵan is boıynsha aldyn ala otyrysty densaýlyǵymnyń jaǵdaıyna baılanysty meniń qatysýymsyz ótkizýińizdi suraımyn», - dep jazdy Tımoshenko.
