Ýkraınada taǵy tynyshtyq buzyldy: ІІM-niń 70 qyzmetkeri zardap shekti

ASTANA. 20 qańtar. QazAqparat - Keshe Ýkraına astanasynyń ortalyǵynda bastalǵan tártipsizdikter basylmaı tur. Túni boıy mılıtsııa men ishki ásker qyzmetkerleri oppozıtsııanyń radıkaldy shabýyldaýshylarymen arpalysty, dep habarlady RBK.

Negizgi qarsylyq sharalary Ýkraınanyń úkimeti men Joǵarǵy radasynyń ǵımaraty ornalasqan kóshede órshidi. Tártipsizdikter barysynda ishki ister organdarynyń 70-ten astam qyzmetkeri jaraqattandy. Bireýiniń bas súıegine zaqym kelse, ekinshisiniń qol-aıaǵy syndy, al úshinshisi beımálim zattan ýlanyp jatty. Tártip saqshylarynyń 49-y aýrýhanaǵa jatqyzyldy. Narazylyq sharasyna qatysýshylardyń arasynda zardap shekkender jaıly resmı derekter joq. Kıevtegi Grýshevskıı kóshesindegi oqıǵalar faktisi boıynsha Ýkraınanyń QK-nyń 294-baby boıynsha (jappaı tártipsizdik) qylmystyq is qozǵaldy. Bas kótergenderdiń ishindegi asa belsendileri ishki ister organdaryna jetkizildi. Qazirgi ýaqytta shamamen onǵa jýyq adam ustaldy, dep naqtylady RBK. 19 qańtarda Ýkraınada jıyn ótkizýge qatysty el prezıdenti bekitken jańa zańǵa qarsy ondaǵan myń demonstrant Kıevtegi Táýelsizdik alańyna jınalǵan kezde polıtsııamen qaqtyǵys bolǵan edi. Oppozıtsıonerler tártip saqshylaryna qolyna túskenin laqtyryp, olardyń qurǵan bekinisin buzyp shyǵýǵa tyrysty. Quqyq qorǵaýshylarǵa qarsy shyqqan topty tynyshtandyrý úshin kózdi jasaýratatyn gaz qoldanýǵa týra keldi.

Qańtardyń 16-sy kúni ıAnýkovıch qol qoıǵan jańa zań resmı ruqsatsyz qoǵamdyq jerlerge shatyr tigýge, sahna qurýǵa jáne daýys zoraıtqysh qoıýǵa tyıym salady. Zań boıynsha demonstranttar betterin búrkemeýi tıis.

Demonstranttar zańdy ájýalap medıtsınalyq maska men qurylysshy kaskalaryn kıip shyqty. Bastaryna ydys-aıaq kıip shyqqandar da boldy.

Jańa zańda "qoǵamdyq tártipti buzýshylarǵa" 15 jylǵa deıin túrme jazasyn taǵaıyndaý týraly bap bar.