Ýkraınada sheteldikter mingen avtobýs apatqa ushyrady, qaza tapqandar bar
ASTANA. 22 shilde. QazAqparat - Ýkraınada halyqaralyq avtobýstyń qatysýymen iri jol-kólik oqıǵasy boldy.
Apat saldarynan bir adam qaza tapsa, 11 adam jaraqat aldy, dep habarlaıdy RBK agenttigi.
Jol-kólik oqıǵasy 21 shilde kúni Kıev-Chop avtojolynda bolǵan. "Trır (Germanııa) - Kırovograd" baǵyty boıynsha júretin halyqaralyq avtobýs aýdarylyp qalǵan. Aldyn ala boljam boıynsha, júrgizýshi jyldamdyqty durys tańdamaı, rýlge ıe bola almaı qalǵan.
Apattan 1950 jyly týylǵan Ýkraına azamatshasy qaza tapty. 11 adam, sonyń ishinde 5 bala jaraqat aldy. Aldyn ala alynǵan aqparatqa júginsek, zardap shekken adamdar arasynda Germanııanyń 4 azamaty, Ýkraınanyń tórt azamaty, Lıýksembýrgtiń eki azamaty men bir frantsýz bolǵan.
