Ýkraınada shahtada bolǵan jarylystyń boljamdyq sebebi ataldy
ASTANA. 29 shilde. QazAqparat - Aldyn ala málimetter boıynsha, Ýkraınanyń «Sýhodolskaıa-Vostochnaıa» shahtasyndaǵy apat metan-aýa qospasy jarylysynan oryn alǵan. Bul jóninde Lýgansk oblysy Memlekettik taý-ken ónerkásibin baqylaý basqarmasynan habarlady,
dep jazady SEGODNıA.ua.
Memlekettik taý-ken ónerkásibin baqylaý basqarmasynyń naqtylaýynsha, apat oryn alǵan kezde shahtada barlyǵy 252 kenshi bolǵan, onyń 28-i qazir aýyr jaǵdaıda.
Esterińizge sala keteıik, juma, 29 shilde kúni saǵat 2:00 shamasynda «Sýhodolskaıa-Vostochnaıa» shahtasynyń jerasty jolynda jarylys bolyp, nátıjesinde 16 kenshi qaza boldy, úsh kenshi túrli deńgeıdegi jaraqattarmen aýrýhanaǵa jatqyzyldy. Taǵy 9 kenshiniń taǵdyry ázirge belgisiz.
