Ýkraınada saılaý ýchaskeleri bolmaıdy – Aıbek Smadııarov

ASTANA. QazAqparat – Bıylǵy kezekten tys QR Prezıdenti saılaýynda Ýkraınadaǵy saılaý ýchaskereli jumys istemeıdi. Bul týraly brıfıng barysynda BAQ ókilderiniń saýalyna jaýap bergen Syrtqy ister mınıstriliginiń resmı ókili Aıbek Smadııarov málim etti, dep habarlaıdy QazAqparat tilshisi.

«Ýkraınadaǵy jaǵdaıǵa baılanysty biz bul joly saılaý ýchaskelerin ashqan joqpyz. Sondyqtan, eger olar qalasa, kórshi elge - Moldovaǵa nemese Polshaǵa baryp, sol jerde daýys bere alady. Biraq bul úshin olar elshilikterge bıýlletender sanyn daıyndaý úshin baratynyn aldyn ala habarlaýy kerek. Bizdiń azamattarymyz ózderi baratyn týrıstik elderde bıýlletender jetkilikti dep oılaıdy. Degenmen ol jetispeýi múmkin. Ótken saılaýda osyndaı jaǵdaılar boldy. Máselen, konsýldyq esepte shartty túrde 200 nemese 300 adam turady, al biraq saılaý kúni budan eki ne úsh ese kóp keledi. ıAǵnı, adamdar ózderiniń keletinderin aldyn ala habarlamaıdy», - dep atap ótti mınıstrliktiń resmı ókili.

Buǵan deıin Aıbek Smadııarov Túrkııanyń Ystanbul qalasynda bolǵan jarylystan zardap shekkender arasynda Qazaqstan azamattary joq ekenin málimdegen edi.