Ýkraınada pravoslav hramynda jarylys boldy

Ýkraına Tótenshe jaǵdaılar mınıstrliginiń Zaporoj oblysyndaǵy bas basqarmasynyń baspasóz qyzmetinen RBK agenttigine habarlaǵandaı, Ýkraına pravoslav shirkeýiniń Svıato-Pokrov hramynda máskeý ýaqyty boıynsha saǵat 17.20-nyń shamasynda jarylys bolǵan. Kýágerlerdiń aıtýynsha, hramǵa kirer esiktiń aldynda kúdikti túıinshek jatqan, sol zat jarylǵan sııaqty.

Jarylys saldarynan 9 adam jaraqat aldy. Qaladaǵy aýrýhanalardyń birine jetkizilgen 80 jastaǵy monahınııa birneshe saǵattan keıin sonda kóz jumǵan.

Zaporoj oblysynyń gýbernatory Borıs Petrovtyń aıtýynsha, «qýaty 500 gramm trotılge barabar qoldan jasalǵan jarylǵysh zat iske qosylǵan degen paıymdaý bar». Hramdaǵy jarylys faktisi boıynsha qylmystyq is qozǵalyp otyr.