Ýkraınada poıyz apatynan birneshe adam qaza tapty
ASTANA. QazAqparat - Ýkraınanyń Sým oblysynda poıyz shaǵyn avtobýspen soqtyǵysqan. Apat saldarynan 13 adam qaza tapty, 7 adam túrli jaraqat aldy, dep jazady RBK.
Oqıǵa jergilikti ýaqyt boıynsha saǵat 15.30 shamasynda Vıry selosynyń mańynda oryn alǵan. Baǵdarsham men dybystyq eskertýlerge mán bermeı, temir jol ústinen ótetin jerge shyǵyp ketken shaǵyn avtobýs Harkov-Vorojba baǵytyna bet alyp bara jatqan poıyzǵa soǵylǵan. Poıyz shaǵyn avtobýsty ortasynan qaq bólip, biraz jerge deıin súırep aparǵan. Ázirge atalǵan jaıtqa qatysty qylmystyq is qozǵalǵan joq, apat ornynda tergeý toby jumys atqarýda.
