Ýkraınada oblystyq keńes ǵımaratyn basyp almaq bolǵan 50-den astam adam tutqyndaldy
ASTANA. 24 qańtar. QazAqparat - Ýkraınanyń ortalyǵyndaǵy Cherkassk qalasynda oblystyq keńes ǵımaratyn basyp alýǵa umtylý áreketi oryn alǵannan keıin 50-den astam adam tutqynǵa alyndy,
dep habarlady VVS.
«Saǵat 23:00 shamasynda polıtsııa qyzmetkerleri ǵımaratqa zańsyz basyp kirgen tulǵalardan Cherkassk oblystyq keńesin bosatty. Quqyq buzýshylardy ustaý sharalary qolǵa alynýda. Jappaı tártipsizdik jasaǵany úshin mılıtsııaǵa 58 adam jetkizildi», - delingen jergilikti ІІM habarlamasynda.
Aıta keteıik, osydan bir kún buryn Ýkraınanyń birneshe qalasyndaǵy jergilikti bılik ákimshilikteriniń ǵımarattaryn turǵyndar basyp alǵan bolatyn. BAQ málimetterine qaraǵanda, qarsylyq tanytýshylar Lvov pen Rovno qalalarynyń oblystyq ákimshiligi ǵımarattaryn basyp alyp, tosqaýyldar qoıýda.
