Ýkraınada Nursultan Nazarbaev týraly kitap jaryq kóredi

ASTANA. QazAqparat - Ýkraınanyń Qazaqstandaǵy Tótenshe jáne Ókiletti elshisi Ivan Kýleba aldaǵy josparlarymen bólisti. Búgin ol Aqordada QR Prezıdenti Nursultan Nazarbaevqa senim gramotasyn tapsyrdy, dep xabarlaıdy QazAqparat tilshisi.

"Nursultan Ábishuly Ýkraınanyń taý-ken salasy boıynsha bilim aldy. Sodan beri 60 jyl da ótti. Biz osy tarıxı sátterdi jaqsy bilemiz ári qurmetpen qaraımyz. Máselen, burynǵy Dneprodzerjınsk, qazirgi Kamenskıı qalasynda arnaıy murajaı da bar. Men jańa ǵana prezıdentpen kezdeskende arnaıy kitapty daıyndap jatqanymyzdy jetkizdim. Onda Nursultan Ábishulynyń Ýkraınada ótkizgen ýaqyty jaıynda baıandalady. Jalpy, onyń memleket basshysy ári bitimger retinde qazirgi qyzmeti jan-jaqty kórsetiledi", - dedi I.Kýleba jýrnalısterge bergen suxbatynda.

 

Aıta keteıik, búgin Aqordada QR Prezıdenti Nursultan Nazarbaev bes eldiń elshisinen senim gramotalaryn qabyldady.  Sol jerde Memleket basshysy el ekonomıkasynyń damýy týraly aıtyp berdi.