Ýkraınada narazylyq bildirýshiler úkimettiń ǵımaratyna kireberisti jaýyp tastady
ASTANA. 2 jeltoqsan. QazAqparat - Kıevte narazylyq aktsııasyna qatysýshylar Ýkraınanyń Mınıstrler kabınetine jáne Ulttyq bankke kiretin barlyq esikterdi oqshaýlap, qyzmetkerlerdiń qozǵalysyna shekteý qoıdy.
Atap aıtqanda, mıtıngke qatysýshy 5 myńnan astam adam úkimet ǵımaratynyń bas kireberisiniń aldyna kelip toqtady.
Sheteldik BAQ-tyń málimetinshe, úkimet ǵımaratynyń aýlasynda arnaıy bólimshe jasaǵynyń qyzmetkerleri tartyldy, alaıda mılıtsııa eshqandaı belsendi is-qımyl jasap jatqan joq.
Jeksenbiden beri Kıevtiń ortalyq kóshelerinde ondaǵan myń adam júr. Olar EO-men qaýymdastyq jónindegi kelisimge qol qoıýdy toqtatý turý týraly ýkraınalyq úkimettiń sheshimine qarsy narazylyqtaryn bildirýde.
