Ýkraınada koronavırýs juqtyrǵandar sany 700 myńnan asty

KIEV. Ýkrınform – QazAqparat – Ýkraınada 28 qarashadaǵy jaǵdaı boıynsha COVID-19-ǵa shaldyǵýdyń 16 294 jańa oqıǵasy tirkeldi. Bul týraly eldiń densaýlyq saqtaý mınıstri Maksım Stepanov óziniń Facebook paraqshasynda jarııalady, dep habarlaıdy Qazaqparat Ýkrınformǵa silteme jasap.

«Ýkraınada 28 qarashadaǵy jaǵdaı boıynsha COVID-19-ǵa shaldyǵýdyń 16 294 jańa oqıǵasy tirkeldi. Jekeleı alǵanda 689 bala men 631 medıtsına qyzmetkeri aýyrǵan», - dep habarlady mınıstr.

Onyń aıtýynsha, ótken táýlikte 1 639 patsıent aýrýhanaǵa jetkizilgen. 184 ólim jaǵdaıy tirkelgen. 8 897 adam saýyǵyp shyqqan. 67 348 testileý júrgizilgen.

Stepanov pandemııa bastalǵaly Ýkraınada 709 701 koronavırýs juqtyrý deregi, 12 093 ólim jaǵdaıy tirkelgenin habarlady. 335 135 adam emdelip shyqqan.