Ýkraınada koronavırýs juqtyrǵandar sany 30 myńnan asty

NUR-SULTAN. QazAqparat – 13 maýsymdaǵy jaǵdaı boıynsha Ýkraınada 30 506 adamnyń COVID-19 juqtyrǵany zerthanalyq turǵyda rastaldy, bir táýlikte aýrýǵa shaldyqqandar sany – 753. Bul týraly Ýkraınanyń koronavırýs epıdemııasynyń taralýyn baqylaý jónindegi arnaıy resýrsynda jarııalandy, dep habarlaıdy QazAqparat Ýkrınform agenttigine silteme jasap.

Senbi kúni tańerteń jarııalanǵan málimetke sáıkes, Ýkraınada 30506 adamnyń COVID-19 juqtyrǵany zerthanalyq turǵyda rastaldy, bir táýlikte 753 adam tirkeldi.

409 adam emdelip shyqty.

Jalpy, 13976 adam jazylyp shyqsa, koronavırýstan qaıtys bolǵandar sany – 880.

Ótken táýlikte Lvov oblysynda - 132 adam, Zakarpat oblysynda - 77, Kıevte – 72 jáne Rıvnensk oblysynda – 66 adam tirkelgen.