Ýkraınada Qazaqstanǵa baǵyt alǵanda basyp alynǵan KamAZ-dar ıelerine qaıtaryldy

ASTANA. QazAqparat - 16 naýryz kúni Ýkraınada belgisiz bireýler basyp alǵan, qazaqstandyq fermerlerge jetkizilýi tıis bolǵan KamAZ kólikteri ózderiniń zańdy ıelerine qaıtaryldy, dep habarlaıdy «KAMAZ» AAQ baspasóz qyzmetinen.

«Ýkraınada belgisiz tulǵalar basyp alǵan 43 avtokólik zańdy ıelerine - Cherıngovtegi «KAMAZ» saýda kompanııasyna qaıtaryldy», - delingen habarlamada.

Atalmysh kólikterdiń aldynda josparlanǵandaı, Qazaqstanǵa qaıta jiberiletini nemese jiberilmeıtini týraly ázirge esh málimet joq.

Esterińizge sala keteıik, 16 naýryz kúni Ýkraınada Qazaqstanǵa baǵyt alǵan «KamAZ» avtomobılderiniń iri partııasyn qarýlanǵan bir top adam basyp alǵan edi. Atalmysh oqıǵadan keıin kompanııa ókilderi týyndaǵan máseleni dıplomatııalyq ókilder arqyly sheshpek bolǵan. Al 18 naýryzda tartyp alynǵan avtotehnıkanyń 30 birligi «Ońshyl sektordyń» ókilderimen Chernıgov qalasynyń ortalyq alańyna jetkizildi. Qalǵan 13 kólik qalanyń aqyly avtoturaqtarynyń birinde kúzetshilerdiń qaraýynda bolǵan. Alaıda, qarýlanǵan adamdar kólik ıelerin avtomobılderine jolatpaǵan.