Ýkraınada qaza tapqan ShQO turǵyndaryna qatysty tergeý aıaqtaldy

ÓSKEMEN. KAZINFORM – Ýkraınadaǵy soǵysqa baryp, qaza tapqan Shyǵys Qazaqstan oblysynyń turǵyndaryna qatysty tergeý aıaqtaldy.

Украинада қаза тапқан ШҚО тұрғындарына қатысты тергеу аяқталды
Фото: Kazinform/Виктор Федюнин

QR Ulttyq qaýipsizdik komıteti Shyǵys Qazaqstan oblysy boıynsha departamenti Óskemen qalasynyń eki turǵynyna qatysty QR QK 172-baby («Sheteldik qarýly qaqtyǵystarǵa qatysý») boıynsha sotqa deıingi tergeýdi aıaqtady.

– Atalǵan azamattar 2024 jyly Reseıge shyǵyp, Ýkraına aýmaǵyndaǵy sheteldik qarýly qaqtyǵysqa qatysyp, Donetsk oblysynda aýyr jaraqat alyp, qaza bolǵan. Olardyń deneleri Óskemenge jetkizildi. Saraptama qorytyndysyna sáıkes, ólimniń sebebi – jarylystar men jaryqshaqtardan bolǵan zaqymdanýlar saldarynan jedel massıvti qan joǵaltý, - dep habarlady departamentten.

Óskemen qalasynyń №2 sotynyń qaýlysymen QR QPK 35-baby 1-bóligi 11-tarmaǵyna sáıkes aıyptalýshylardyń qaıtys bolýyna baılanysty qylmystyq is toqtatyldy.

Eske salsaq, buǵan deıin Vladımır Zelenskıı AQSh-pen sırek kezdesetin mıneraldar jónindegi kelisimdi qabyldamaǵany habarlanǵan. 

Сейчас читают