Ýkraınada qarýly adamdar basyp alǵan KamAZ kólikteri Qazaqstannyń aýyl sharýashylyǵy taýarlaryn óndirýshilerine arnalǵan
Bul týraly QazAqparat tilshisine «KAMAZ saýda kompanııasy» JShS-nyń dırektory Marat Sırazetdınov málim etti.
«Kólikter Ýkraına aýmaǵynda qalyp otyr. Qazirgi ýaqytta atalǵan ahýaldyń sheshimine qol ushtaryn berýleri úshin QR Syrtqy ister mınıstrligi men Ýkraınanyń Qazaqstandaǵy Elshiligine hat ázirleýdemiz. Bizdiń oıymyzsha, oryn alǵan jaıt 90-shy jyldardaǵy Tolıattıdegi oqıǵalarǵa uqsaıdy. Ol eldegi júrgizýshiler Ýkraına azamattary. Al beıtarap aımaqta, ıaǵnı Reseımen shekarada olardy kútip turǵan júrgizýshiler basqa kompanııanyń qyzmetkerleri edi. Qazirgi ýaqytta meniń bilýimshe, Kıevtiń sheshimi kútilýde. Jalpy, atalǵan kólikterdiń quny 75 mln. rýblge jýyqtaıdy», - dedi ol.
Onyń atap ótýinshe, atalǵan tehnıkalar aýyl sharýashylyǵyna arnalǵan júk tasıtyn kólikter. Kompanııa olardy kóktemgi maýsym qarsańynda satýdy josparlaǵan.
«Júk kólikterin Qazaqstandaǵy suranysqa oraı ákelemiz. Qazaqstanda aýyl sharýashylyǵyna qajetti júk kólikterine suranys turaqty. Qoımada kólikter azaıyp qaldy. Sondyqtan sońǵy úsh aı boıy satylmaı turǵan Ýkraınadaǵy kólikterdi Qazaqstanǵa ákelý týraly sheshim qabyldanǵan edi»,- dedi M.Sırazetdınov.
Esterińizge sala keteıik, demalys kúni Ýkraınada Qazaqstanǵa ákele jatqan «KamAZ» kólikterin qarýly adamdar basyp alǵan bolatyn.
