Ýkraınada qarýlanǵan er adam jolaýshylardy tutqynǵa alyp, avtobýsty jaryp jiberemin dep qorqytýda
«Lýtsk qalasynyń ortasynda belgisiz er adam avtobýs jolaýshylaryn tutqynǵa alyp, avtobýsty jaryp jiberem dep qorqytyp otyr. Bul týraly ol polıtsııaǵa 21 shilde kúni habarlady. Qylmysker qolynda granata men basqa da avtomatty qarý bar ekenin aıtqan», - delingen habarlamada.
«Jaǵdaı qadaǵalanyp otyr. Qala ortalyǵy jabyldy, eshkim zardap shekpes úshin ol jerge adamdardy jibermeýge tyrysyp jatyrmyz. Qala turǵyndary men qonaqtarynan jaǵdaıǵa túsinistikpen qarap, jaqyn barmaýyn ótinemiz», - dep atap ótti Ulttyq polıtsııanyń Volyn oblysyndaǵy bas basqarmasynyń bastyǵy ıÝrıı Kroshko.
Onyń aıtýynsha, avtobýsty tutqynǵa alǵan adam júıege qarsy narazylyǵyn osylaı bildirip otyr. Er adam óz talaptaryn Tvıtterde jarııalaǵan, al polıtseıler qazirgi kezde onyń paraqshasyna monıtorıng júrgizip, oǵan telefon shalýǵa árekettenip jatyr.
Qandaı qarýdan oq atylǵany ázirge belgisiz. Zardap shekkender joq. Kroshko bul arnaıy oqý-jattyǵý emes ekenin atap ótti.
