Ýkraınada karantın 22 mamyrǵa deıin uzartyldy

KIEV. Ýkrınform – QazAqparat – Ýkraınada karantın 22 mamyrda aıaqtalady, dep habarlaıdy QazAqparat Ýkrınform agenttigine silteme jasap.

Mınıstrler kabıneti 4 mamyrda shyqqan №343 qaýlynyń mátinin jarııalady. Onda shekteý sharalary 22 mamyrǵa deıin sozylatyny aıtylǵan.

Degenmen, mınıstrler kabıneti memlekettik bılik pen jergilikti basqarý organdarynyń jumysyna qajetti sharalardy ótkizýge, jattyǵý jasaýǵa (júgirý, jaıaý júrý, velosıped tebý, mánerlep syrǵanaý, múgedek arbasynda otyrǵan sportshylardyń qozǵalysy), ulttyq qurama komanda sportshylarynyń oqý-jattyǵýyna ruqsat berip otyr. Alaıda ár adam maska, respırator sekildi qorǵanys quraldaryn kıip, tıisti sanıtarlyq jáne epıdemııaǵa qarsy sharalardy saqtaýy tıis.

Sondaı-aq úkimet halyqqa saýda jáne turmystyq qyzmet kórsetýge, tıisti qaýipsizdik talaptaryn saqtaý arqyly mýzeılerdiń jumysyna múmkindik berdi. Tek iri saýda jáne oıyn-saýyq ortalyqtary jumys istemeıdi.

Sonymen qatar notarıýs, advokat, aýdıtorlar men psıhologtardyń qyzmetine, stomatologııalyq kómek kórsetýge ruqsat etilgen.