Ýkraınada erkekter azaıyp barady
ASTANA. 13 naýryz. QazAqparat - Ýkraınada erkekter azaıyp barady. Olar qazir áıelderden 3,5 mıllıonǵa az bolyp otyr.
60 jastaǵy ár aqsaqalǵa eki kempirden keledi. Ýkraına Ulttyq ǵylym akademııasy Demografııa jáne áleýmettik zertteýler ınstıtýtynyń aǵa ǵylymı qyzmetkeri Anna Gerasımenko osyndaı málimetterdi jarııalady, dep habarlaıdy Ýkrınform.
«Osylaı jalǵasa berse, Ýkraına kedeıligi joǵary egde keıýanalar eline aınalýy múmkin», - degen boljamyn bildirdi sarapshy.
Ádette erler ózderi ártúrli pálege úıir keledi - bireýleri jol-kólik apatyna ushyrap jatsa, endi birqatary túrli jaraqattar men zııandy ádetterden japa shegip, kóz jumyp jatady. Psıholog Efım Shabshaı qazirgi er adamdar álsiz bolyp otyrǵanyn atap ótti, olardy órkenıet úrdisi tym erkeletip jiberdi, dep sanaıdy ol.
Budan birneshe jyl buryn avstrııalyq ǵalymdar zertteý barysynda erlerdiń ý-hromosomalary tektik sıpatyn birte-birte joǵaltyp, birneshe mıllıondaǵan jyldan keıin múldem quryp ketetinin málim etken bolatyn.
